Германскиот супермодел Клаудија Шифер роди девојче во петокот.

Бебето се родило во болница во Лондон, каде што живее целото семејство. Мајката и детето се добро, објави германскиот весник Welt am Sonntag, цитиран од списанието People.

Ова е третото дете на германската топ манекенка после Каспер (7 години) и Климентина (5 години). Сите три деца се од нејзиниот сопруг Метју Вон, со кого германската убавица склучи брак во 2002 година.

Се очекува другата недела Клаудија да го објави името на нејзината ќеркичка.

Ве потсетуваме дека топ манекенката се појави на насловната на германското издание на списанието Vogue, неколку дена пред да стане мајка по трет пат. Фотографијата беше дело на Карл Лагерфелд.