Шпанската актерка Пенелопе Круз одлучи да го продаде својот стан во Лос Анџелес, бидејќи нема потреба од него, објави The Real Estalker.

Домот е со површина од 300 квадратни метри и има дневна соба, кујна, трпезарија, 3 спални, секоја од нив со бања, кабинет, соба за послугата и две големи тераси, од кои едната е со базен. Круз го купила во мај 2005 година за 3 131 000 американски долари, но оттогаш досега го употребила само неколку пати. Во 2008 година таа го даде станот под наем за 14 500 долари месечно.

Очигледно имотот и е тежина и сега актерката одлучила да го продаде, уште повеќе, откако нејзиниот љубовен роман со сонародникот Хавиер Бардем се продлабочи, двајцата го поминуваат повеќето од времето во Шпанија. Пенелопе Круз за станот кој се наоѓа во Сансет Стрип бара 3 695 000 американски долари.