Ја изневерува Кристин Стјуарт со Лејтон Местер...
Љубовниот живот на младиот американски актер РОберт Патинсон и понатаму е една од главните теми на медиумите. Откако неодамна признал за тоа дека е во врска со својата филмска партнерка од "Twilight", Кристин Стјуарт, сега еден американски магазин се распишал за тоа дека Роберт се гледа со друга колешка. Станува збор за убавата Лејтон Местер, ѕвездата од серијата "Gossip Girl".
Роберт и Лејтон неодамна поминале ноќ во нејзиниот стан во Њујорк од кој актерот излегол утрото околу 11 часот. "Излезе од зградата и влезе во во автомобил кој го чекаше. Тој наводно ноќта ја поминал заедно со Лејтон и несакал тоа да се знае", рекол очевидец. Пријатели на младата актерка ја потврдуваат наводната афера и велат дека таа е повторно заљубена. "Роберт многу и се допаѓа. Си пишуваат љубовни пораки и речиси секој ден разговараат", откриваат пријателите на актерката која пред една година прекина со Себастијан Стен.
