Британската пејачка Ејми Вајнхаус е на лекување во болница во Лондон поради компликации со силиконските имплантанти во нејзините гради.

26-годишната ѕвезда е под постојан медицински надзор. Лекарите во најскоро време ќе мора да решат дали да ги извадат силиконски имплантанти или ѕвезда ќе може да се врати без хируршка интервенција. 

Поради сериозните проблеми со алкохолот и дрогата Ејми Вајнхаус загубила неколку килограми во последните месеци. Таа неодамна се врати кај својот поранешен сопруг Блејк Сивил, со кого се разделија во јули минатата година, поради изневерата на пејачката додека тој беше во затвор. Сега Ејми е подготвена да заборави на минатото и да создаде семејство со својот поранешен сопруг, нешто што нејзиниот татко ја советувал да не го прави.

"Таа многу ги сака децата, особено малите внуци. Сега е на возраст во која сака да има бебе, но искрено неможам да си ја претставам седната со 15 деца околу неа", рекол таткото на пејачката.

Ејми Вајнхаус е носителка на пет Греми награди и се смета за една од најголемите британски современи музички ѕвезди.