Џенифер Анистон планира да стане мајка оваа година. Актерката се дружела со пријателите кои брзо "пропејале" во медиумите...

Американскиот магазин ОК! прв излезе со информации дека Џенифер Анистон сака да забремени, и тоа со Џерард Батлер, со кој е во моментов во врска и со кој заедно глуми во хитот Headhunter.

Џен многу би сакала да роди девојче, изјавил неименуваниот извор близок за американскиот магазин и продолжил: "Таа го обожава Џерард и мисли дека е идеален за улогата на татко".

"Поминавме прекрасни заеднички моменти. Мислам дека дојдов до точка кога посакувам да уживам со човекот кој го сакам и со кој можам да основам семејство. Тоа отсекогаш бил мојот сон", изјавила минатиот месец четириесет годишната Џенифер Анистон.

За сега, на емоционален план одлично се справуваат, но сеуште не се знае што мисли Џерард Батлер за бракот и децата со Џен.