Американската поп дива Витни Хјустон била примена во болница во Париз поради проблеми со грлото и дишните патишта, објавија луѓе од нејзиниот тим.

Вчера 46 годишната Витни Хјустон го откажа својот прв концерт од европската турнеја во Париз поради "респираторна инфекција" и најверојатно, ќе мора да го пропушти својот втор концерт во англискиот град Манчестер, предвиден за четврток, изјави член од нејзиниот тим.

Изворот вели дека таа е изложена на лекување во болницата во Париз поради "воспаление на слуз мембраната во носот и фаринкс".

Хјустон, чија кариера го одбележа својот врв во 90-тите години на минатиот век, имаше големи проблеми со здравјето, додека го планираше големото враќање.

По седемгодишно отсуство од сцената и студијата пејачката, која имаше и проблеми со дрогата, го издаде својот нов албум "I Look to You" во 2009 година. Тој беше позитивно прифатени од критичарите.