Двојката од Холивуд Бред Пит и Анџелина Џоли пристигнаа во неделата во босанската престолнина Сараево на "приватна посета" од Венеција, каде што Џоли снима филм.

"Анџелина Џоли и Бред Пит пристигнаа пред 18 ч на аеродромот во Сараево со приватен авион од Венеција", објави претставник на граничната полиција, без да даде повеќе детали. Американските актери биле пречекани на аеродромот од страна на претставниците на УНИЦЕФ, објавија локалните медиуми. Од локалната канцеларија на организацијата велат дека двојката е на "приватна посета" во земјата и не можат да ги откријат деталите.

Десетици новинари и фотографи биле собрани пред хотелот "Европа" во стариот дел на Сараево, каде што се верува дека се сместени Џоли и Пит соопштуваат локалните медиуми.