Раперот 50 Cent добил хонорар од 75 000 долари, само за да се појави во ново отворениот ноќен клуб и да каже еден единствен збор, пренесе електронското издание "Femalefirst".

50 Cent бил ангажиран да гостува на отворањето на клубот "Бамбук" во Ливерпул, во четвртокот вечерта. За тоа тој добил интересна сума, како и бесплатно шампањско за целата вечер и друштво од две атрактивни девојки. Гостите на клубот со нетрпение ја очекувале неговата појавата и се надевале на барем 1-2 песни од него.

Но очигледно хонорарот од 75 000 долари му се видел мал на 50 Cent. Тој ја поминал целата вечер во сепаре кај дамите, без да обрне внимание на посетителите. По некое време излегол пред публиката, рекол "Еј" и се вратил на масата кај девојките.