Властите од Шри Ланка одбиле да му дадат виза на американскиот рапер Акон, кој требало во април да настапи во Sinhalese Sports клубот...

Како причина ја навеле навредата за будизмот во еден од неговите спотови, кој меѓу другото, предизвикало немири и бунтови на будистите пред локалната телевизиска куќа. Поточно, во видео спотот "Sexy Bitch", полуголи танчерки играат во базен над кој се наоѓа статуа од Буда, што ги навредило жителите на Шри Ланка.

"Ако се земе во предвид тврдењето кое не оди во корист на Акон, владата одлучила да не му издаде виза за вршење на концерт во Шри Ланка", рекол Ануша Пелпит, генералниот директор на одделот за информации. Освен сцените од видео спотот, будистите му замериле на Акон и за вулгарните збориви кои ги користи во своите песни и кои никако не обезбедуваат пример за млaдите.