Најекспонираниот љубовен пар за последните месеци сигурно се Бред Пит и Анџелина Џоли, кои моментално живеат во Италија, каде што убавата актерка го снима филмот "Туристот"...

И додека во последните денови Анџелина е видена како поголемиот дел од денот го поминува во снимање, а остатокот од времето во друштво со бројните деца, Бред Пит се забавува во Лондон на премиерата на филмот "Kick Ass".

Доброто расположениот Бред без проблеми потпишувал автограми за обожавателите, додека со медиумите несакал никако да комуницира, што не е изненадувачки со оглед на тоа дека веќе неколку пати "ексклузивно" објавија дека се разведува од сопругата.

Исто така, британскиот Daily Mail денес лансирал приказна за наводна кавга помеѓу Бред и Анџелина на балконот од вилата од 15 век во која што живеат. Всушност, според британскиот весник, Анџелина го испитувала Бред каде бил по пристигнувањето во раните утрински часови во Венеција.

Сепак, се чини дека Бред и Анџелина успеале да го решат несогласувањето, со оглед на тоа дека Бред е продуцент на филмот "Kick Ass" и со останатите колеги од снимањето, бил на приватна забава која ја организирала Клаудија Шифер во својот лондонски дом.