Иан Халперин не е единствениот кој заработува измислувајќи тречеви за Анџелина...

За оваа профитабилна работа се фатила и Џени Паул, авторка на новата книга "Brad Pitt and Angelina Jolie: The True Story", која наскоро ќе биде објавена.

Со Џегер во Банкок

Авторката на книгата тврди дека Анџелина била љубовница на Ралф Финес и својот бивши сопруг Џони Ли Милер во време кога го запознала Бред. Убавата актерка наводно, не се спротивставила и на привлечноста на стариот шармер Мик Џегер, со кого се сплеткала во 1997 година, кога таа се појавила во неговиот спот "Anybody Seen My Baby". Мик во тоа време бил оженет со Џери Хал. Со него, како што тврди авторката на книгата, повторно била во 2003 година, кога биле видени заедно во еден хотел во Банкок.

Бред и Анџелина планирале да имаат 13 деца

Во книгата исто така пишува дека Бред и Анџелина планирале да имаат 13 деца, од кои некои да бидат посвоени, а некои биолошки. Исто така, за разлика од досегашните гласини кои тврдат дека Анџелина е главна во врската и дека го малтретира Бред, наводно сега тој одлучува за се. "Односот на моќта во врската се промени. Анџелина од почеток ги носела панталоните, но сега ги носи Бред", тврди Џени Паул.