По повод денот на вљубените списанието "Форбс" ja објави листата на двојки кои најмногу спечалиле на големиот екран...

Во историјата на киното ќе останат Џулија Робертс и Ричард Гир во "Убава жена" и Леонардо Дикаприо и Кејт Винслет во "Титаник". Кои романтични двојки сепак донесле најмногу пари на своите продуценти ?

Виго Мортенсен и Лив Тејлор (2.9 милијарди долари)

Историјата е дел од трилогијата "Господар на прстените", која има приход од вкупно 2.9 милијарди долари.

Тоби Мегвај и Кристин Денст (2.5 милијарди долари)

Љубовниот триаголник во "Спајдермен" Питер Паркер, Мери Џејн и најдобариот пријател на Паркер беше една од водечките теми во филмот. Во моментов се прави нов филм со нов режисер и нови актери.

Леонардо Дикаприо и Кејт Винслет (1.9 милијарди долари)

Приходите од "Титаник" се 1.8 милијарди американски долари. Дикаприо и Винслет се повторно пар во филмот Revolutionary Road во 2008 година, каде што историјата е доста поразлична, но на крајот повторно завршува трагично.

Шиа Лабеов и Меган Фокс (1.5 милијарди долари)

Ѕвездите од "Transformers" се роботи, но Лебеов и Фокс имаат голем придонес за 1.5-те милијарди долари. Во моментов се прави третиот филм од серијалот, кој треба да излезе во 2011.

Роберт Патинсон и Кристин Стјуарт (1.1 милијарди долари)

Во моментов се прави трет дел на Twilight. Главна тема во него е љубовта помеѓу Бела и Едвард, која е невозможна, особено, бидејќи тој е вампир.

Џорџ Клуни и Џулија Робертс (847 милиони долари)

Љубовната историја е од филмовите за "Бандата на Оушн"

Ричард Гир и Џулија Робертс (770 милиони долари)

Џулија е во листата на два други филма, култниот "Pretty Woman", кој донесе приходи од 463 милиони долари и "Runaway Bride".

Бен Афлек и Лив Тејлор (590 милиони долари)

Хемијата помеѓу Афлек и Тејлор во "Армагедон" помогна за големиот успех на филмот. Нивното второ партнерство во "Jersey Girls" беше на скромно и донесе само 36 милиони долари.

Колин Фарт и Рене Зелвегер (545 милиони долари)

Двојката е позната по супер-успешниот "Дневникот на Бриџит Џоунс"

Том Ханкс и Мег Рајан (519 милиони долари)

Тие се партнери во три филма, како најголем и најуспешен од нив е "Имате пошта" (250 милиони американски долари).