Во чест на американскиот актер Џони Дип, Србите направија споменик со неговиот лик...

...кој го откри лично за време на гостувањето на фестивалот "Küstendorf" во Дрвенград. Американскиот актер го отвори фестивалот, но и добро ги насмеа Британците кои сметаат дека споменикот е смешен. Имено, британскиот весник The Sun пишува дека обидот да се наслика ликот на познатиот актер е многу лош, баш како и уметникот кој го направил кипот. Исто така британскиот таблоид го исмејува бидејќи статуата е помала од самиот актер.

Легендарниот актер во соседна Србија помина неколку дена, а друштво му правеше Емир Костурица. Освен варена ракија, домашно јагнешко и шунка, Џони проба и колбас од кои е посебно ипресиониран. "Ми помогнаа да оздравам, и од тогаш ги запамтив. Кога ми ги дадоа да ги јадам, беа како лек за мене и одеднаш оздравев", изјавил американскиот актер, кој објави дека наскоро повторно ќе се врати во Србија.