Ракел Кастеланос и Габриела Дејвидсон ја тужеле пејачката Бијонсе...

За време на концертот на Бијонсе во Чикаго 2013 година двете обожавателки паднале во несвест, биле прегазени и имале скршени коски за време на влегувањето на концерт, пишува „Gossip Cop“.

Жените се жалеле наводно затоа што немало адекватен и безбеден план за влегување во салата.

„Како што се наближуваше времето за концертот, групата стануваше се поголема, погуста и загрижувачка, за тоа како, кога и каде ќе бидат отворени вратите и каде треба да влезат сите обожаватели. Тоа никој не го објаснил“, пишува во обвинението.

Откако се отвориле вратите, жените биле соборени на под од страна на „стампедото“ што доаѓало, при што претрпеле повреди и биле одведени во болница. Сега ја тужат Бијонсе, „The United Center“ и „Live Nation“ за надокнада на штетата.