Карло двапати ја запроси, но Вики не се согласи...

Јавното запросување понекогаш знае да биде романтично, но секогаш постои страв дека нема да биде прифатено. Такво нешто се случи и изминатиот викед во Големиот Брат кога Карло пред милиони гледачи ја запроси Вики, но таа не го рече судбоносното "Да".

Карло Загорац чекаше со затворени очи Вики да влезе во исповедалницата на Големиот Брат. Се гушкаа и бакнуваа, а Карло без многу двоумење ја запроси Вики. Кога Вики не дала одговор, Карло клекнал пред неа и свчено ја прашал дали сака да се омажи за него.

Вики била многу возбудена, но одговор не дала, туку само рекла дека го сака. Карло добил можност да ја види неговата девојка, бидејќи ја исполнил својата мисија. По нејзината реакција бил многу збунет и цела ноќ, вознемирен пиел пиво со Радиша и Ѓорѓе.

"Мислам дека тоа беше шега. Никогаш не би дозволила Карло навистина да ме запроси на тој начин во куќата на Големиот Брат. Мислам, може така само доколку ја земе наградата", рекла Вики.

Напоменала дека многу го сака, но и дека мора прво да види како ќе функционираат како пар, а за тоа ќе мора да причека кога тој ќе излезе од куќата на Големиот Брат. "Ќе се венчаме доколку се функционира како што треба. Јас сакам да бидам млада мајка", рекла Вики и додала дека цврсто верува во победата на својот драг.