Поранешната рок ѕвезда и фронтмен на некогаш многу популарните GNR удрил папараци со тупаница во главата...

Фотографот тврди дека има фотографии од инцидентот кој се случил во средата навечер, и рекол дека ќе го тужи пејачот и за тоа ќе бара надоместок. Папараците сакале да го сликаат Axl и неговите пријатели кога заминувале од аеродромот во Лос Анџелес, а фотографот тврди дека пејачот штом ги видел, се стрчал кон нив и го грабнал само него. Исто така за американските медиуми рекол дека целиот инцидент е снимен на видео лента, која планира да ја приложи на судот.

Интересен факт во врска со овој инцидент е тоа што иако сите присутни фотографи потврдиле дека инцидентот се случил, полицијата на аеродромот не реагирала. Исто така не реагирале ни вработените на аеродромот ниту обезбедувањето.