Вознемирениот актер и пријател на Пол Вокер, Вин Дизел, одржал мала приватна церемонија за неговиот пријател, кој загина минатиот викенд во сообраќајна несреќа...
Актерот Вин Дизел одржал краток говор за стотици обожаватели на Пол Вокер на местото каде познатиот актер го изгубил својот живот. Воден од емоции 46-годишниот актер им зборувал на обожавателите преку полициски мегафон, на кои им упатил пораки на љубов и благодарност.
"Само сакав да ви кажам дека мојот брат е тука сега со нас, ја гледа љубовта што му ја давате. Во ова тешко време за неговото семејство, сите вие покажавте љубов кон Пол. Ќе остане со нас засекогаш. Сакав само да ви кажам благодарам", рекол Вин.
Пол Вокер загина во трагична сообраќајна несреќа заедно со неговиот пријател Роџер Родас. Со автомобил излетале од патот и удриле во дрво, по што автомобилот се запалил. Имаше гласини дека се тркале, но, сестра му на Пол остро го критикувала тие шпекулации.
