Монти Пајтон повторно ќе ги забавува луѓето од цели свет...
Тери Џонс, еден од припадниците на Монти Пајтон потврди дека сите преживеани членови од оваа комична група ќе се соберат во театарска претстава.
„Се собираме и го подготвуваме шоуто. Возбуден сум и се надевам дека ќе заработиме многу пари, бидејќи морам да ја платам мојата хипотека“, рекол Џонс за BBC.
Се очекува ова и официјално да се потврди на прес-конференција во Лондон во четврток. На конференцијата ќе се појават Џон Клиз, Ерик Ајдл, Тери Гилијам, Мајкл Пејлин и веќе споменатиот Тери Џонс.
