Актерката Дру Баримор е бремена со своето второ дете, соопштуваат американските медиуми...

Ѕвездата од "Ангелите на Чарли" и нејзиниот сопруг Вил Копелман станаа родители за прв пат на ќерката Оливија минатата година. Сега блиски извори открија пред списанието "US Weekly", дека семејството ќе им се зголеми за уште еден член.

Претставник на двојката се уште не ја потврдил веста, но во текот на викендот Баримор изгледа се обиде да го прикрие стомакот со широка облека на гала церемонија на Окружниот музеј на уметноста во Лос Анџелес, каде што позирала пред фотографите во долг фустан кој слободно паѓа.

Актерката не ја криеше својата желба да има уште деца. Минатиот месец таа изјави во емисијата на Џеј Лено, дека многу сака уште едно бебе, така што се пошегува дека сака да забремени "веднаш". Дру се омажи за арт консултантот Копелман во јуни 2012 година.