Кание Вест конечно и понудил брак на Ким Кардашијан, откриваат изненадувачки американските медиуми...

Според блиски извори рап ѕвездата клекнал на колена на еден од концертите на неговата светска турнеја.

Вчера во Сан Франциско пред целиот стадион, каде било и семејството на Ким, за да јго прослави 33-тиот роденден, Кание го поставил важното прашање.

До моментов никој од двајцата не ја потврдија официјално веста, но се очекува наскоро нивните говорници да дадат целосни информации.

Можеби ова е уште еден обид на ѕвездената двојка да донесе повеќе медиумско внимание, велат дел од фановите.

Потсетуваме дека пред речиси 5 месеци Ким Кардашијан му подари ќерка на Кание Вест. Оттогаш силно се шпекулира кога младите родители ќе се прошетаат до олтарот, но според блиски извори Ким била таа која не сакала по трет пат да биде невеста.