Фасцинантниот актер Хју Џекмен, кого многумина го поврзуваат со ликот на силниот и мускулест Волверин, го прослави својот 45-ти роденден...



На неговата прослава присуствувале 4.500 гости, кои платиле влез во холивудскиот „Долби“ театар, каде актерот имал 2.5 часовна програма.

Џекмен организирал роденденска забава за да собере пари за добротворни цели. На сцената пеел, играл и раскажувал приказни, со што успеал да инкасира 1.850.000 долари во Фондот за финансирање на филмови и телевизија, со што се обезбедува медицинска нега и други услуги за работниците во индустријата за забава и пензионерите.



„Ова е веројатно најнарцисоидниот начин за прослава на роденден. Ги избрав моите омилени песни и раскажував приказни за својот живот. Да се ​​биде тука вечерва за поддршка на оваа цел, беше одлично. Ова е нешто што го сакам и сакам да го работам“, рекол тој после прославата.

Дваиполчасовната програма завршила со аукцијата на канџите на Волверин и две испотени маици кои ги носел за време на претставата, а биле продадени за 22.000 $.