Славниот Џеј Зи дал големо интервју за Vanity Fair...
Shawn Carter, познат како Џеј Зи, зборувал за Бијонсе, ќеркичката Блу Ајви и тешкото детство, за време на кое дилал крек, за да заработи малку пари. "Живеевме во тешка ситуација. Не гладувавме, но имаше ситуации кога ми беше непријатно да одам во училиште во извалкани тренерки или иста облека", искрено признал раперот. "Насекаде имаше крек. Додека дилав не ми беше жал што го правев тоа, но подоцна се покајав. Мама знаеше дека го правам тоа, но го игнорираше. Всушност, никогаш не разговаравме за тоа, но знаеше, мајките знаат се", продолжил да раскажува.
Зборувал и за Бијонсе, со која денес има еден од најскладните селебрити бракови. "Секако дека ја освојувам", признал, како ид ека малата Блу Ајви е поголем фан на песните на мама, отколку на тато. На гласините за тоа дека Бијонсе не ја родила Блу Ајви, и дека наместо неа тоа го направила сурогат мајка, славниот рапер рекол: "Тоа е толку глупаво, што воопшто незнам што да ви кажам. Живееме убав живот, не се жалиме, но и ние сме човечки суштества, знаете. не знам зошто толку лоши гласини. Јас ги игнорирав, но ми беше криво за Бијонсе, ставете се во нејзина позиција".
Признал и дека денес на 43 години, рапот го сака еднавко како и во младите години и дека парите ниту малку не го мотивираат. "Не седам со пријателите и да зборувам за пари. Што се однесува до песните, е тоа е сосема друга работа".
