Само неколку дена пред терминот на раѓање, Иванка Трамп е подготвена да блесне на насловната страница на списанието за мајчинство...

31-годишната идна мајка се сликала за есенскиот број на издание за бременост за октомври и ноември. Иванка, која има двегодишна ќерка со сопругот Џаред, ја направила фотосесијата во шестиот месец. Пред објективот таа позираше со неколку фустани во бело и портокалово, кои ги потенцираат нејзините облини.

Во интервју Иванка издава дека секое утро цеди лимон во чаша вода. "Сега пијам огромно количество вода и јадам многу овошје и зеленчук", изјави таа, шегувајќи се дека една од придобивките да си родител е да го полниш фрижидерот со здрава храна.

Иванка сподели уште дека го чува полот на бебето во тајност, бидејќи е суеверна. Терминот е само по неколку недели, но идната мајка успева да ја задржи самодовербата и да биде мирна.

"Со Арабела бев среќна, се роди само два часа по почетокот на контракциите. Се надевам и тоа раѓање ќе биде исто толку лесно", објасни Трамп.