Славната Викторија Бекам наскоро ќе снима документарец за својата улога во светот на модата, известува Vogue...

Популарната Британка се здружила со Skype, а документарецот ќе им овозможи на гледачите од перспекитва "мува на ѕид" да ги следат процести потребни за да се создадат креациите на госпоѓа Бекам.

Гледачите така ќе ја следат Викторија во секој чекор - од состаноци, преку избор на материјали до самите производи, а документарецот ќе се снима во Велика Британија и Америка.

Соработката наводно настанала откако Викторија изјавила како поголемиот дел од работата и состаноците ги извршува преку чет па Skype во таа приказна виде интересен мотив за документарец. "Повеќето вечери седнувам пред Skype во својата спална и разговарам со луѓето од мојата канцеларија во Лондон", изјавила Викторија во 2010 година, а слични разговори извршува и денес.