Во морето на реални шоуа, кои секогаш освојуваат телевизиски простор, на кои можеме да видиме речиси сè и сешто, се појави нешто ново...

Британската телевизиска програма "Channel 4", од 30 септември започнува со емитување на шоуто "Sex Box".

На оваа програма паровите ќе водат љубов речиси пред публиката и ќе бидат сместени во акустично изолирана комора во средината на студиото. После сексот натпреварувачите ќе разговараат со водителката и нејзините гости.

Водителката на шоуто (која има за цел да ја нагласи разликата помеѓу секс и порнографија) ќе ја води Маријела Фроструп, на која ќе и се придружи психијатарот Филип Хоџсон, експертот за секс и врски, Трејси Кокс, како и американскиот секс-колумнист, Ден Севиџ, пишува весникот „Independent“.

Инаку, на ова шоу ќе се промовира "чесна и отворена дискусија за вистински секс во време на експлозија на онлајн порнографијата".

Меѓу паровите кои ќе водат љубов ќе има и геј парови, кои се надеваат дека во своите 30 години ќе ги отфрлат митовите за геј сексот, како и хетеросексуалната двојка во своите 20 години, кои сметаат дека луѓето не зборуваат доволно отворено за секс.

Ова шоу е дел од кампањата на британската телевизија "Channel 4", која е насловена како "Real Sex Season".