Мајкл Даглас ги остави зад себе проблемите во бракот и се појави на церемонијата на доделување на наградите Мажи на годината на магазинот GQ во Лондон...
Холивудскиот актер беше почестен со престижната статуетка за Легенда на блескавата церемонија во Кралската опера во британската престолнина. На церемонијата присуствуваа уште ѕвезди како Расел Бренд, Дејвид Ганди и Семјуел Л Џексон. Нејзин предводник беше комичарот Роб Брајдон.
Легендарниот британски фудбалер Сер Боби Чарлтон ја доби наградата за сеопфатни достигнувања, која му беше врачена од ѕвездата на Манчестер Јунајтед, Рио Фердинанд.
Сер Елтон Џон беше удостоен со наградата за гениј, а рокерот Ноел Галагер - за икона. Лу Рид ја доби наградата за инспирација, а Том Форд беше прогласен за дизајнер на годината.
Актерката Ема Ватсон беше прогласена за жена на годината на GQ. Фарел Вилијамс ја однесе статуетката за изведувач на годината, Арктик Менкис се група на годината, Евгениј Лебедев е претприемач на годината, а градоначалникот на Лондон Борис Џонсон - политичар на годината.
