Еден од најпознатите американски глумци, Џек Николсон, одлучил да престане да се занимава со глума и да отиде во пензија после повеќе од 50 години кариера...

"Џек отиде во пензија, а причината е едноставна - го губи помнењето. Има 76 години и проблеми со меморијата и повеќе не ги помни речениците кои би требало да ги изговори. Неговото помнење не како порано", рекол близок извор на глумецот.

Последен филм во кој тројниот оскаровец се појави беше комедијата "How Do You Know" од 2010 година. Требало да се појави и во филмот "Nebraska" во кој ќе го глумеше стариот алкохоличар кој со синот патува за Небраска за да ја подигне добивката од лотарија, но улогата на крај му падна на Брус Дерн.

Во кариерата дури 12 пати бил номиниран за Оскар, осум пати за најдобар глумец и четири пати за најдобра машка споредна улога поради што ја носи титулата глуец со најмногу номинации во историјата на овие награди.

"Нема намера да се повлече од јавниот живот. Среќе е што ќе се придружи на клубот пензионери како и Шон Конери", заклучил изворот.