Младиот актер и ѕвезда од филмот за волшебникот "Хари Потер", Даниел Редклиф се појавил на Венецијанскиот филмски фестивал, каде го промовирал својот филм „Убивањето на блиските" и во таа прилика обожавателите почнале да трчаат кон него, соборувајќи ја оградата...



Фановите го нападнале актерот, се со цел да добијат автограм и да се сликаат со него.

Еден од најпопуларните млади актери на денешницата се најде на мета на стотици фанови, кои воодушевено и панично врескале трчајќи накај него кога се појавил на црвениот тепих. Фановите на младиот "Хари Потер" ја срушиле оградата, а обезбедувањето и полицијата морале да одговорат.

За среќа никој не бил повреден, а Даниел вели дека овој случај му бил смешен.

„За среќа, не е секогаш вака. Се соочував со различни ситуации од мојата 11-та година, така што ова не го сметам за сериозен инцидент. Всушност, мислам дека многу е смешно“, изјавил Даниел.