Ким Кардашијан троши луди пари за да биде елегантна и стилски мајка, откриваат американските медиуми. Пред неколку дена ѕвездата за прв пат се појави на јавно место, откако пред 2 месеци му роди ќерка на рап пејачот Кание Вест...

Бидејќи Ким не беше излегла подолго од дома, нејзиниот изглед веднаш беше подложен на ригорозна анализа на медиумите. Стана јасно на пример, дека гордата мајка носи торба за пелени во вредност од над 20 илјади фунти.

Според запознаени пак, дизајнерскиот додаток бил полн со топчиња, инкрустирани со камења Сваровски, бебешки шишиња на Dior, како и кашмир оделца за повивање.

Друго што остави впечаток кај модните критичари беа истите обувки на Ким и Кание. Среќните млади родители очигледно решиле да ја комбинираат облеката, носејќи исти чизми со реси. Оние на Ким беа во темно беж, а на Кание во црно.