Актерот Марк Волберг знае што значи да се биде лошо момче во Холивуд, затоа преку медиумите му даде совети на младиот Џастин Бибер...



Се чини дека 19-годишниот минува низ многу тешка фаза во животот, очигледно дека сака да докаже дека станува маж и не е повеќе момче.

Ова го потврдија многу тетоважи, но најмногу неговото агресивно однесување во последниве месеци. Последниот инцидент се случил неодамна кога го плукнал диџејот во ноќен клуб во Кливленд по жестока расправија.

Сето ова го предизвикало 42-годишниот актер Марк Волберг да му се обрати на пејачот преку медиумите, во интервју за британски The Sun.

„Џастин, ме слушаш? Не биди толку непослушен, важи? Биди пристојно момче, дигни ги панталоните, направи ја мајка ти горда и престани да пушиш трева, мал ѓаволе", рекол Марк, кој во своите тинејџерски години бил исто така проблематичен, конзумирал дрога, па дури завршил и во затвор.

Актерот вели дека сака да му понуди на Бибер улога во филм што го продуцира и во кој ќе игра, но 19-годишниот дотогаш ќе мора да се среди.