Лејди Гага продолжува да ја брани ЛГБТ популацијата во Русија, а неодамна преку социјалните мрежи руската влада ја нарекла криминална поради лошиот третман на хомосексуалците...



Контроверзната пејачка ги повикала на револуција сите оние кои биле загрозени во земјата поради нивната сексуална ориентација.

Преку Твитер Гага ги поддржи сите членови на ЛГБТ заедницата во Русија, а нејзината бурна реакција е како реакција на малтретирањето и злоставувањето на хомосексуалците во оваа земја.



„Руската влада е криминална! Репресијата ќе доведе до револуција! Руските ЛГБТ-овци, не сте сами, ние ќе се бориме за вашата слобода!“, напишала револтираната пејачка.

Ова не е прв пат Гага да го осудува рускиот врв, во 2012 година на турнејата "Born This Way" јавно ги повика да ја уапсат.



„Уапсете ме мене, гајле ми е! “, извикувала пејачката и ја повикала публиката да ги прекрстат рацете во воздух како знак на одобрување.

Потсетувајќи се на овој настан од минатата година, Гага повторно и се обратила на руската влада:



„Што не ме уапсевте кога имавте шанса? Не сакате да одговарате пред светот?“, напишала таа.