Британскиот принц Вилијам и Војвотката од Кембриџ Кетрин Мидлтон го напуштија породилното одделение на лондонската болница Сент Мери со новородениот принц и престолонаследник, претставувајќи го пред медиумите...

Кејт, облечена во син фустан, го држеше момчето во рацете, а потоа го предаде на својот сопруг.

"Тој има добри бели дробови, тоа е сигурно", рече Вилијам очигледно алудирајќи на гласовитостта на новороденчето, додека Кејт изјави дека двајцата со нејзиниот сопруг се многу возбудени од доаѓањето на нивното прво дете, што е трет во линијата на британскиот престол.

Вилијам посочи дека се уште размислуваат за името на новороденчето. Потоа среќното семејство заминале кон палатата Кенсингтон.

Вчера попладне кај мајката и бебето беше во посета новопечениот дедо, принцот Чарлс, кој рече дека внук му е "неверојатен". "Тој е неверојатен, за малку ќе го видите", посочи престолонаследникот, приружаван од неговата сопруга Камила, пред новинарите, наредени пред влезот на болницата.