Бред Пит го пофали "херојското" решение на неговата партнерка Анџелина Џоли која беше подложена на двојна мастектомија порано оваа година...

Актерката му откри на светот дека била подложена на операција за отстранување на двете гради во февруари како превентивна мерка, откако лекарите ја предупредиле дека го носи "дефектниот" ген BRCA 1.

Пред операцијата Анџелина Џоли имала 87% ризик да развие рак на дојка. Во статија за весникот "New York Times" таа откри дека поддршката на Бред Пит била од суштинско значење за донесувањето на семејството во тешкиот момент.

Актерот издаде соопштение во кое вели дека неговата партнерка одлучила да се подложи на операција во името на нивните шест деца.

"Станувајќи директен сведок на одлуката, сметам дека изборот на Анџи и на многу други жени како неа е целосно херојска. Му благодариме на нашиот лекарски тим за негата и вниманието. Се што сакам е таа да има долг живот и здравје со мене и нашите деца. Ова е среќен ден за нашето семејство", се вели во соопштението објавено од британскиот весник "Evening Standard".
Мајката на Џоли, Маршлин Бертран почина во 2007 година на 56-годишна возраст, откако се бореше речиси десет години со рак на јајниците.