Мила Кунис е прогласена за најсексапилна жена во светот за 2013 година од магазинот FHM. 29-годишната актерка го доби признанието окако ја победи пејачката Ријана, која остана на второто место...

"Мила Кунис имаше феноменална година, таа учествуваше во најскапата комедија "Тед" и токму сега е најбараната холивудска ѕвезда. Таа не само што е природно убава, туку поседува и одлично чувство за хумор и не се плаши да се самоиронизира. Земјата се произнесе и пресудата е дека таа официјално е совршена девојка", изјави креаторот на листата 100-те најсекси жени во светот ва FHM Дан Џад.

Британските ѕвезди Хелен Фланаган, Мишел Киган и Кели Брук ги дополнуваат топ пет. "Многу сум среќна што бев избрана за најсексапилна жена во Велика Британија. Ова е прекрасен поттик за мојата самодоверба, особено кога има толку многу убави девојки", коментира Фланаган.

Победата на Кунис става крај на четиригодишната хегемонија на британски женски. Во 2010 година Шерил Кол стана првата Британка која ја освои титулата во две последователни години. Манекенката Роуз Хантингтон-Вајт ја освои во 2011 година, а во 2012 година број еден беше актерката Тулиса Контоставлос.