Во неделата Војвотката од Кембриџ Кејт Мидлтон разбуди восхит кај сите со масленозеленото палто, сјајниот накит и убавиот мајчински стомак. Сите обрнаа внимание токму на него или поточно недостатокот на истиот...

Долгоочекуваното кралско бебе ќе се роди во јули. Војвотката е бремена веќе во шестиот месец, но дури сега почнува да и се покажува стомакот.

Тревога предизвикаа фотографиите на сопругата на принцот Вилијам и оние на познатите личности како принцезата Дијана, Викторија Бекам и актерката Кејт Хадсон, кои сите имале далеку поголем стомак од Кејт во шестиот месец на бременост.

Според експертите, тоа не е причина за загриженост и најверојатно се должи на слабата фигура на Мидлтон или на позицијата на бебето во утробата. Симон Мејган, акушер во болница во Ливерпул, објасни дека при првата бременост е сосема нормално стомакот да не расте многу. Тоа повеќе е индикатор за женското тело, отколку за проблемите поврзани со самото бебе.

"Тоа е првото бебе на Кејт. Таа е млада и има добри стомачни мускули, што значи дека се оди добро и на виделина ќе се појави едно здраво и убаво бебе. Тоа во никој случај не е невообичаено кај првата бременост", категорично изјавил експертот.