Актерот кој со својата улога во „Игра на тронови“ стекна огромна популарност не верува во својот статус на секс симбол.

Динклаџ во серијата, чија трета сезона е во тек, го игра Тирион Ланистер, еден од најомилените ликови во серијалот „Песна од мраз и оган“ на Џорџ Р. Р. Мартин.

Во интервју за Playboy, Динклаџ, кој е висок 135 сантиметри, се пошегувал дека сите тие жени кои воздивнуваат по неговиот лик во реалноста „паѓаат“ на високи мажи.

„Слушнав неодамна дека сум прогласен за најсексипилно џуџе. Тоа ми беше навистина смешно. Искрено, на целиот тој статус му пристапувам со доза на иронија, затоа што сите тие девојки кои велат ‘леле, Питер е секси’ потоа одат и се смувуваат со некој двометраш“, рече тој.

Динклаџ сепак рече дека му е мило што неговата улога „множеби на многумина им ги приближила малите луѓе“. Тој за улогата на Тирион Ланистер освои Еми и Златен глобус.