Најдобриот фудбалер на светот го нервирала вревата која ја создавале соседите, па ја купил нивната куќа. Едноставно.

Еве решение ако ве нервираат соседите! Се разбира, ако заработувате како Лионел Меси, најдобриот фудлабер на светот.

Меси купил вила во Кастелдефелс, место оддалечено 20тина километри од Барселона. Му било понудено да откупи уште една куќа, но тој најпрво одбил.

Меѓутоа, сопствениците на куќата смислиле начин за добро да заработат, изнајмувајќи соби во вилата, а тие кои доаѓале се обидувале на сите начини да ја нарушат приватноста на ѕвездата на светскиот фудбал. Се обидувале да го фотографираа, а многумина правеле и врева.

Меси, најпрво, направил ѕид меѓу својот и дворот на соседите, но тие му се заканиле со тужба, затоа што им го попречувал видикот. За да не се влечка по судови, Меси се одлучил да ја откупи и куќата на соседот и имотот.