Фронтменот на британскиот бенд, Ијан Браун, на концерт во Мексико со британско знаме си го избришал задникот.

Првиот концерт во Мексико, и воопшто во Латинска Америка, членовите на британскиот бенд The Stone Roses го „зачиниле“ со порака за британскиот национализам.

Фронтменот на групата Ијан Браун го зел британското знаме, кое некој од публиката го фрлил на бината, и со него си го избришал задникот. Интересно, ниту еднаш не ја споменале некогашната премиерка Маргарет Тачер, која загина на 87 годишна возраст, ден пред нивниот концерт во Мексико.

Бендот е на светска, повратничка турнеја, а ќе настапат на фестивалот Коачела во Калифорнија.

Во меѓувреме, во подготовка е документарен филм за новиот почеток на групата, под наслов Made of Stone, а премиерата се очекува на 30 мај во Манчестер.