Пејачката и актерка поради бракот планира во целост да се повлече од јавниот живот.

Џенет Џексон (47) во февруари во тајност се омажи за милијардерот Висам Ал Ман (37), а холивудскиот живот ќе го замени со мирен семеен живот на луксузниот имот на нејзиниот драг на Средниот Исток.

Сестрата на покојниот крал на попот беше на врвот на музичката кариера во деведесетите години. Издаде десет студиски албуми од кои само четири не дебитираа на првото место на американските топ листи на албуми.

Меѓутоа, настапот со Џастин Тимберлејк на Супербаул 2004 година, кога покажа повеќе отколку што треба, сериозно ја разниша нејзината кариера. Сите подоцнежни обиди да се врати на патеката на старата слава немаа некој поголем успех, па оваа нејзина одлука навистина не зачудува.