Популарната актерка вели дека нејзиниот задник е цврст како на дваесет и две годишна стриптизета и дека тоа што е во добра форма и дава самодоверба во креветот.

Гвинет (40) кажа дека за нејзиното затегнато тело била „заслужна“ нејзината пријателка и тренер Трејси Андерсон.

„Задоволна сум како изгледам. Тренирав и пред да ја запознаам Трејси, но некако сега мислам дека со нејзините инструкции моето тело навистина се трансформира. Скоро им зборував на пријателите дека мојот задник не изгледа како да има 40 години, туку како кај млада стриптизета“, вели Гвинет.

Иако е во најдобра форма во животот, убавата актерка призна дека некои денови, едвај успевала да се натера себеси да вежба.

„Буквално врескав од мака и едвај се натерував да почнам. Меѓутоа, кога ги видов резултатите, само продолжив да бидам упорна“, рече актерката.

Таа почнала да вежба кога се породила во 2006 година.

„Овој фитнес метод кој го практикувам влијае на сите сфери на мојот живот. Мојата самодоверба е поголема и мојот сексуален живот е одличен“, среќна е актерката.