Сега на мета им се строго доверливите информации на Анџелина Џоли, Роберт Де Ниро, Лејди Гага, Денис Родман.

Иако неодамна соопштија дека на нивната забава и дојде крајот, според пишувањето на американските медиуми, хакерите отвориле нов сајт на кој планираат да објават информации за состојбата на сметките, кредитните картички, долговите... на некои од најголемите ѕвезди на денешницата.

Овој случај уште од почеток, кога на интернет се објавени строго доверливи информации за Бијонсе, Бритни Спирс, Ким Кардашијан, Доналд Трамп... го истражува FBI, но се уште немаат успеано да откријат ни од каде точно доаѓаат хакерските напади.

Американските медиуми при поранешните хакерски напади пишуваа дека станува збор за Руси, а последниот домен на сајтот на кој се објавени информациите е регистриран во францускиот дел на Мадагаскар. Сајтот набргу исчезна, а FBI професионалците за интернет криминал интензивно трагаат по хакерите кои, ако бидат откриени, би мжеле да добијат повеќедецениски затворски казни.