Супермоделот Хајди Клум се гмурнала во океанот, за да го спаси 7-годишниот син од давење за време на одморот на Хаваите, јавуваат американски медиуми...

Германската манекенка, позната исто така и по реално шоу "Топ дизајнер" (Project Runway), изјави дека нејзиниот син Хенри и двете дадилка биле однесени од голем бран на плажа во Оаху на 31 март. "Се разбира, како мајка бев многу исплашен за моето дете и за сите останати во водата", изјави манекенката за списанието "Ју Ес Викли".

"Хенри е силен пливач и успеа да доплива до копното. Успеавме да ги извадиме сите без проблеми", раскажа Клум. Нејзиниот телохранител и партнер Мартин Кирстен исто така помогнал за спасувањето на тројцата.

39-годишната манекенка ја почна врската со 40-годишниот телохранител неколку месеци по разделбата со сопругот Сил минатата година и нивни пријатели открија неодамна дека е лудо вљубена во него. "Откако почнаа да се среќаваат минатото лето, врската им стана сериозна. Таа го сака животот и ужива да го сподели со Мартин, кој се однесува кон децата на Хајди и Сил како кон свои. Таа успева да се фокусира на својата кариера, бидејќи Мартин се грижи многу за нив и нема ништо против да стои во позадина , откри близок извор.