Пејачката поради скандалозните барања во рајдер листата изгубила одлична шанса за настапување.

Џенифер Лопез важи за голема дива и наводно нејзиниот рајдер, листата на барања од организаторите, бил предолг и преполн со неверојатни барања.

Лопез била повикана да го отвори турнирот на Премиер крикет лигата во Индија, кој според проценките на New York Post, го следиле 60 милиони гледачи. Меѓутоа, пејачката ги изнериврала организаторите со претераните барања во рајдерот.

New York Post пишува дека Лопез барала најлуксузно сместување во хотелите за цела армија свои стилисти и помошници, како и приватен авион на располагање. Поради сето тоа, односно неможноста или одбивањето на организаторите да го исполнат секој нејзин каприц, нема да настапи во Индија.

Организаторите веќе нашле замена, наместо Џеј Ло, ќе настапи Питбул, кој со неа ги сними песните Dance Again и On The Floor.