Тимберлејк призна дека пробал „се и сешто“, но вели дека повеќе не го прави тоа.

Џастин Тимберлејк (32) раскажал во интервју за MySpace дека своевремено бил на „разни дроги“.

Тимберлејк, кој важи за „фин тип“ во шоубизнисот, признал дека не се сеќава на претходните престојувања на фестивалот Коачела.

„Сум бил овде многу, многу пати, но признавам дека не се сеќавам како ми било. Бев на разни супстанци“, рече Џастин низ смеа

„Се сеќавам дека стоев на полето една година, ги слушав Nine Inch Nails и следната година исто така стоев на тоа поле, но цело време се губев од трипови“, рече тој.

Тимберлејк очигледно ги баталил „триповите“ и се посветил на помирен живот. Минатиот октомври се венча за актерката Џесика Бил, а неговата баба Сејди рече дека неодамна нејзиниот внук се посветил на готвењето.