Џерард Батлер изјави дека продуцентската и актерска игра во акцискиот трилер "Код: Олимп" го ставил на толку голем притисок од кој требало да се спаси со пат околку светот...

Шкотскиот актер Џерард Батлер учествуваше и го продуцираше новиот акционен трилер "Код: Олимп" и откри дека тензиите го натерале да го обиколи светот, за да се одмори по завршувањето на снимањето.

"Бев во Шкотска, Англија, Италија, Швајцарија, Тајланд, Мексико, Колумбија по најразлични причини. Но најмногу поради патувањето, едноставно посетив одредени места и се видов со пријателите...Но, најинтересно ми беше во Тајланд, каде станав монах. Посетував многу храмови", раскажа Батлер.

44-годишниот актер призна дека комбинацијата на улоги пред и зад камерата е тешка и само што не полуделел, обидувајќи се да направи баланас.

"Морам да ви кажам дека понекогаш е тешко кога продуцираш и го чувствуваш тоа бреме. Неколку лица ме потсетуваат колку луд сум станал, додека бевме во средина на снимањето. И јас признавам дека навистина е така", изјави Батлер.