Американската поп ѕвезда Мараја Кери беше поканета да одржи предавање во Оксфорд, пишува британскиот весник "Daily Express"...

Ако ја прифати поканата, Мараја Кери ќе ги следи Мајкл Џексон, Далај Лама и Сер Винстон Черчил, кои исто така одржувале предавања во престижниот британски универзитет. 43-годишната американска дива добила поканата да зборува пред Оксфордскиот сојуз, додека е во Велика Британија за презентација на сеуште недовршениоталбум ова лето. Портпаролот на ѕвездата ја потврди поканата.

"Очекуваме да дознаеме што сакаат да научат од неа", изјави портпаролот.

Мараја Кери е една од најуспешните пејачки во историјата на поп музиката и има продадено повеќе од 200 милиони примероци. Во 2008 година таа беше на чело со песната "Touch My Body" на листата "Billboard Hot 100", со што стана единствената пејачка, чија изведби била 18 пати на врвот на оваа листа. Во моментов Кери работи на нов студиски албум, а неодамна напиша песна за саунтракот на хит филмот "Oz: The Great and Powerful."