За тажните фанови има на располагање „линија за помош“.

Рајан Гослинг, еден од најбараните холивудски фраери, најави дека се повлекува од глумата на некое време, а таа негова одлука ги „зави во црно“ обожавателките кои сакаат да го гледаат.

Една креативна фирма од Британија започнала телефонска линија за помош на фановите кои не знаат како понатаму, додека Рајан не сними нов филм.

Со повикување на бројот кој е достапен 24/7, можете да ја добиете вашата дневна доза на Рајан, а ќе добиете „смирувачки аудио-запис“ од неговиот најпознат филм, романтичната драма „Бележникот“.

Ова не е прв пат да се започне линија за „помош“ на филмските фанови. Постои и „Самрак линија“, за тешење на оние кои не можат да веруваат дека „Самрак сагата“ заврши.