Пејачот е под истрага поради физичка пресметка со соседот.

Џастин Бибер (19) штотуку се врати во Америка од турнејата, а веќе направи нов скандал. Канцеларијата на шерифот во округот Лос Анџелес отворила истрага поради наводната пресметка меѓу пејачот и соседот.

Поводот за кавгата, а потоа и физичката пресметка, бил фактот што пејачот својата вила им ја оставил на друштвото да прават журки и да се забавуваат додека него го нема, што им пречело на соседите. Еден од нив се соочил со пејачот кога овој се вратил од Европа, и кавгата кулминирала.

Тимот на Бибер тврди дека до физички контакт не дошоло, но полицијата сеедно го истражува случајот. Пејачот неодамна се степа со папараците во Британија, а вчера е фотографиран како топлес шетал по аеродромот во Полска.