Пејачката која на есен полни 73 години, иако рече никогаш повеќе, сепак оваа година пак ќе се омажи.

По 27 години врска со Ервин Бак, Тина Тарнер одлучи и официјално да стане негова сопруга.

Парто се запознал 1986 година за време на нејзината турнеја по Германија а, иако Ервин пред речиси две децении ја запроси, од венчавката немаше ништо затоа што пејачката тврдеше дека после бракот со Ајк Тарнер такво нешто никогаш повеќе нема да и падне на памет.

Сепак, стабилната врска со поранешниот директор на издавачката куќа EMI оваа есен ќе биде крунисана со брак. Тина и Ервин, наводно, веќе изнајмиле врвни кувари за венчавката која би требало да биде одржана на нивниот имот покрај езерото во Цирих.

Покрај тоа, пејачката неодамна доби и швајцарско државјанство, затоа што вели дека оваа земја и ја пружа неопходната приватност.