Актерот одлучи да направи пауза затоа што не сака да стане преекспониран.

Рајан Гослинг (32), слично како и неговата девојка Ева Мендез, вели дека не сака да биде уште една од ѕвездите „кои излегуваат од фрижидер“ и дека на неодредено време ќе се повелече од седмата уметност во која е присутен од својата осма година.

„Го сакам тоа што го правам и мислам дека сега е крајно време да направам пауза и да се преиспитам самиот себе како јас работам и колку добро. Ми треба пауза од мене исто како и на публиката затоа што не сакам да станам досаден“, вели славниот актер кој важи за еден од најпожелните фраери меѓу познатите.

Актерот вели дека буквално од еден на друг филмски сет трчал и дека во наредниот период се ќе анализира и од сега повнимателно ќе ги бира улогите.

Во кино-салите ширум светот оваа година ќе стигнат филмовите The Place Beyond the Pines и Only God Forgives во кои Рајан ги глуми главните улоги.

Покрај глумата, Гослинг од хоби се занимава и со музика, па во паузата од глумата можеби ќе издаде и некој албум.